परीक्षा सकिएको चार दिनमै नतिजा प्रकाशन पनि भइसकेको छ। त्रिवि परीक्षा नियन्त्रण कार्यालयका अनुसार गत साउन ९ गते सकिएको मानविकी तथा सामाजिकशास्त्र सङ्काय अन्तर्गत स्नातकोत्तर तह प्रथम वर्षको परीक्षाफल परीक्षा सकिएको चौथो दिन साउन १३ गते नतिजा प्रकाशन भएको थियो।  

त्रिविले आफ्नै पुनर्संरचना गरेर पनि बेथिति अन्त्यको प्रयास थालेको छ। आंगिक र सम्बन्धन प्राप्त क्याम्पसलाई समेट्दै ७ वटै प्रदेशमा ‘प्रादेशिक विश्वविद्यालय स्थापना’ गर्ने योजना अघि सारेको छ।

यसअघि त्रिविले पोखराको पृथ्वीनारायण क्याम्पस, विराटनगरको महेन्द्र मोरङ आदर्श बहुमुखी क्याम्पस र नेपालगन्जको महेन्द्र बहुमुखी क्याम्पसलाई डिग्री अवार्डिङ इन्स्टिच्युट (उपाधि दिने संस्था)का रूपमा विकास गर्दै छ।

त्रिविका शिक्षाध्यक्ष प्राडा खड्ग केसीका अनुसार उक्त शैक्षिक संस्था विकास गर्न बजेट पनि विनियोजन भइसकेको छ। उनले भने, ‘त्रिविलाई थप व्यवस्थित गर्दै हामी गइरहेका छौँ। यी मोरङ क्याम्पस, पृथ्वीनारायण क्याम्पस र महेन्द्र क्याम्पस नेपालगञ्जलाई ‘डिग्री अवार्डिङ इन्स्टिच्युट’काे रूपमा विकास गर्दै छौँ।’

प्राडा केशरजंग बराल त्रिवि उपकुलपति नियुक्ति भएपछि उनले त्रिविको समग्र सुधार कार्ययोजनासहित सोचपत्र सार्वजनिक गरेका थिए। गत वैशाखमा सार्वजनिक भएको ‘त्रिभुवन विश्वविद्यालयको समग्र सुधार कार्ययोजना–२०८०–०८४’ मा उक्त योजना पनि समेटिएका थिए।

उक्त सोचपत्रमा भनिएको छ, ‘विश्वविद्यालयको पुनर्संरचना कार्यक्रमअन्तर्गत पृथ्वीनारायण, पोखरा,महेन्द्र मोरङ बहुमुखी क्याम्पस, विराटनगर र महेन्द्र बहुमुखी क्याम्पस नेपालगञ्जलाई उपाधि दिने संस्थाको रूपमा विकास गर्ने।’ 

आगामी वर्षदेखि त्यहीबाट ट्रान्सक्रिप्ट प्रदान गरिने

त्रिविका शिक्षाध्यक्ष केसीले पृथ्वीनारायण, पोखरा,महेन्द्र मोरङ बहुमुखी क्याम्पस, विराटनगर र महेन्द्र बहुमुखी क्याम्पस नेपालगञ्जलाई उपाधि दिने संस्थाको रूपमा विकास गरी आगामी वर्षदेखि सोही ठाउँबाटै ट्रान्सक्रिप्ट दिने व्यवस्था गरिने जानकारी दिए।

उनले भने, ‘यसका लागि आवश्यक काम थालनी भइसकेको छ। आगामी वर्षदेखि जसरी त्रिविमा ट्रान्सक्रिप्ट दिइन्छ,त्यसैगरी त्यही ठाउँबाट ट्रान्सक्रिप्ट लिन सकिनेछ।’ त्रिविले दिने सेवालाई विकेन्द्रीकरण गर्न केन्द्रबाहेक क्षेत्रीय स्तरमा रहेका परीक्षा नियन्त्रण कार्यालयलाई सुविधा सम्पन्न बनाउने योजना पनि अघि सारेको छ।

त्यसो त विस्तारै त्रिविमै धाउनुपर्ने बाध्यता हट्दै जाने उनको विश्वास छ। ‘नयाँ खोल्नेभन्दा पनि यसैको नाममा शैक्षिक संस्था बढाउने भन्नेछ। यसबाट विद्यार्थीहरूलाई सहज पुग्छ भने त्रिवि पनि व्यवस्थित बन्ने छ’, उनले भने।

विश्वविद्यालय अनुदान आयोग अनुसार त्रिविका ६२ वटा आंगिक क्याम्पस, ५२८ वटा सामुदायिक क्याम्पस र ५५४ वटा निजी क्याम्पसहरू हाल सञ्चालनमा छन्।

प्रदेशबाट उत्तरपुस्तिका परीक्षण शुरु

त्रिविले समयमा नतिजा प्रकाशन गर्न प्रदेशबाट उत्तरपुस्तिका परीक्षाको काम थालेको छ। त्यसैले अबदेखि समयमै नतिजा प्रकाशित हुने त्रिविका शिक्षाध्यक्ष केसीले जानकारी दिए।

उनले भने, ‘नतिजाका लागि प्रदेशबाट काम सुरु भइसकेको छ। अबदेखि समयमै नतिजा प्रकाशित हुन्छ।’ त्रिविका रजिष्ट्रार प्राडा केदारप्रसाद रिजालका अनुसार यसका लागि त्रिवि पनिकासँगै त्रिवि क्षेत्रीय परीक्षा नियन्त्रण कार्यालयलाई सक्रिय गराइएको छ। त्यसो त अबदेखि ३ महिनाभित्र नभए ४ महिनाभित्र नतिजा प्रकाशन हुनेछ।

The post आगामी बर्ष देखि त्रिविले तीन क्याम्पसबाट ट्रान्सक्रिप्ट दिने। appeared first on Himshikhar Dainik.

उक्त दुर्घटनामा बुढामगसँगै उहाँकी आमा ६१ वर्षीया गोपीमाया बुढा र   सोही पालिका वडा नम्बर २ का अध्यक्ष जसबहादुर श्रीपालीको समेत मृत्यु भएको छ । तीनै जनाको घटनास्थलमै ज्यान गएको हो ।

शुक्रबार बिहान पुथा उत्तरगङ्गा गाउँपालिकाको रा १ ज २०० नम्बर को पिकअप जिप दुर्घटना हुँदा अर्का एक जना गम्भीर घाइते भएका थिए ।

जिल्ला प्रहरी कार्यालय बागलुङका प्रहरी निरीक्षक प्रताप पौडेलले दुर्घटनास्थलमा गाउँपालिका उपाध्यक्ष बुढामगरको शव फेला परेको बताउनुभयो । निरीक्षक पौडेलले गाउँपालिका उपाध्यक्षको परिचय पत्रका आधारमा पहिचान खुलेको जानकारी दिनुभयो ।

दुर्घटनामा एकजना घाइते भएको प्रहरीले जनाएको छ । प्रहरी घटनास्थलमा पुगेर उद्धारमा जुटेको छ । घाइतेलाई उद्धार गरी बागलुङ अस्पताल पठाइएको छ । जिप मध्यपहाडी लोकमार्गदेखि करिब ३०० मिटर तल खसेको अनुमान गरिएको छ ।

The post जिप दुर्घटना हुँदा गाउँपालिका उपाध्यक्ष र वडा अध्यक्ष सहितको मृत्यु । appeared first on Himshikhar Dainik.

बिहीवार सिंहदरबारमा उपप्रधानमन्त्री तथा मन्त्रीहरुसँग कार्यसम्पादन सम्झौता गर्दै उनले मन्त्रीहरुलाई सो निर्देशन दिएका हुन्। उनले मन्त्रीहरुलाई विश्राम गर्ने, अलमल गर्ने, ढिलो गर्ने छुट नरहेको बताए। उनले अब कार्यक्षेत्रमा थप योजना र थप सक्रियताका साथ अघि बढ्नुपर्ने बताए।

उनले सरकारका कामलाई तीव्रता दिनेगरी अघि बढ्न आग्रह गरे। उनले विस्तारै गरौँला नि भन्ने सोचले अहिलेसम्म काम हुन नसकेको भन्दै अब त्यो सोच नराख्न आग्रह गरे। उनले काममा तीव्रतासँगै योजनावद्धता आवश्यक रहेको बताए। मन्त्रालयबीच एक अर्कालाई सहयोग गर्ने भावना हुन जरुरी रहेको बताए।

उनले भने, ‘हामी अब कार्यक्षेत्रमा थप योजना र थप सक्रियताका साथ जानेछौँ। मैले अघिल्लो पटकमा पनि भनेको छु, हामी कामलाई तीव्रता दिनेछौँ। हाम्रो एउटा कमजोरी के रहेको छ भने काम बिस्तारै, बिस्तारै गर्ने भन्ने ढंगको अभ्यास छ। त्यस्तो होइन। हामीसँग ढिलो गर्ने सुविधा पनि छैन, अलमल गर्ने सुविधा पनि छैन। विश्राम गर्ने सुविधा पनि छैन। हामीले अत्यन्तै तिब्र गतिले काम अघि बढाउनुपर्ने छ। हामे गतिमा तीव्रता चाहिन्छ। काममा योजनावद्धता चाहिन्छ। पारस्परिक एक अर्कामा साथ र सहयोग चाहिन्छ।’

प्रधानमन्त्री ओलीले मन्त्रीहरुलाई आ—आफ्नो मन्त्रालयका समस्या पहिचान गरी समाधान गर्न पनि निर्देशन दिए।

The post विश्रामको छुट नभएको मंत्रीहरुलाई प्रधानमंत्रीको निर्देशन । appeared first on Himshikhar Dainik.

नाइजर स्टेट इमर्जेन्सी म्यानेजमेन्ट एजेन्सी (सेमा) का प्रवक्ता इब्राहिम हुसेनीले घटनाबारे जानकारी दिए। ‘इन्धन लोड गरिएको पेट्रोल ट्यांकर यात्रु र गाईवस्तु बोकेको ट्रेलर ट्रकसँग ठोक्किँदा यो घटना भएको हो,’ सेमाले जारी गरेको विज्ञप्तिमा भनिएको छ।

उक्त दुर्घटनामा अन्य दुई सवारी साधन, एउटा क्रेन र एउटा पिकअप भ्यान पनि दुर्घटनाग्रस्त भएका छन्।

अफ्रिकाको सबैभन्दा बढी जनसङ्ख्या भएको देशमा इन्धन ट्यांकर विस्फोट हुँदा पटक पटक ठूलो सङ्ख्यामा मानवीय क्षति हुने गरेको छ। इन्धन ट्यांकरको दुर्घटनापछि स्थानीयले जोखिम लिई चुहिएको इन्धन चोर्ने प्रयास गर्दा आगलागी हुने र यसबाट ठूलो सङ्ख्यामा मानवीय क्षति हुने गरेको पाइन्छ। 

सडकको खराब अवस्था, पूराना सवारी साधन र चालकको लापरबाहीका कारण अफ्रिकामा यस्ता दुर्घटना हुने गरेको पाइन्छ।

The post ईन्धन ट्यांकर ठोक्किदा ५२ जनाको मृत्यु appeared first on Himshikhar Dainik.

The post मेलम्चि खानेपानी भ्रष्टाचारमा चारजना दोषी ठहर । appeared first on Himshikhar Dainik.

अधिवक्ता केशवप्रसाद गौतमले संघीय सरकारसहित १० निकायलाई प्रतिवादी बनाएर अस्पतालको स्वामित्वको विषयमा रिट निवेदन दर्ता गरेका हुन् ।

अधिवक्ता गौतमले मदन भण्डारी स्वास्थ्य विज्ञान प्रतिष्ठानको रजिस्ट्रारविरुद्ध दर्ता गरेको उक्त रिटमा प्रतिष्ठानका निर्देशकलाई प्रत्यर्थी बनाइएको छ । उक्त रिट निवेदन उपर प्रारम्भिक सुनुवाइका लागि सर्वोच्चले भदौ २६ का लागि पेसी तोकेको छ ।

रिट निवेदक गौतमले प्रधानमन्त्री तथा मन्त्रिपरिषद्को कार्यालय सिंहदरबार काठमाडौं, स्वास्थ्य मन्त्रालय काठमाडाौ, वाग्मती प्रदेश प्रमुखको कार्यालय, मुख्यमन्त्री तथा मन्त्रिपरिषद्को कार्यालय हेटौंडा, प्रदेश स्वास्थ्य मन्त्रालय, प्रदेशसभा सचिवालय वाग्मती प्रदेश, मदन भण्डारी स्वास्थ्य विज्ञान प्रतिष्ठान हेटौंडा, प्रतिष्ठानका व्यवस्थापन समितिको अध्यक्ष, हेटौंडा अस्पताल व्यवस्थापन तथा सञ्चालक समितिलाई विपक्षी बनाएका छन् ।

सरकारी सम्पत्तिलाई कुनै अमुक संस्थालाई दिनेगरी कानुन बनाएको र हेटौंडा अस्पतालको चलअचल सम्पत्ति कब्जा गर्ने काम भएको रिट निवेदनमा उल्लेख छ । नेपालको संविधान २०७२ को धारा १३३ (२) (३) (४) अन्तर्गत उत्प्रेषणयुक्त, परमादेश माग गर्दै अधिवक्ता गौतमले संविधान तथा संघीय कानुनसँग बाझिएको प्रदेशको कानुन बदर गर्न माग गरेका छन् ।

The post के हो मदन भण्डारी स्वास्थ्य विज्ञान प्रतिष्ठान स्वामित्व विवाद । appeared first on Himshikhar Dainik.

विगतमा वैकल्पिकबाट फालिएका उम्मेदवारहरुको समयावधि १० वर्ष भन्दा बढीका पनि छन् । तसर्थ त्यस्ता उम्मेदवारहरू छनौट भई आएमा क्याम्पस प्रशासनको सेवामा कुनै पनि परिवर्तन नहुने बरु आर्थिक श्रोतको दोहन मात्र हुने अनेरास्ववियु, जिल्ला कमिटी, सप्तरीको ठम्याई रहेको छ । यस विषयप्रति अनेरास्ववियु, जिल्ला कमिटी सप्तरीको गम्भीर ध्यानाकर्षण भएको छ भनि बिज्ञप्तीमा भनिएको छ।

साथै मुख्य लेखा सहायक (पद संख्या-१) र पुस्तकालय सहायक (पद संख्या-१) का लागि खोलिएको करार सेवामा खुल्ला प्रतिस्पर्धाबाट उम्मेदवार छनौट गर्न क्याम्पस प्रशासनसँग माग गरेको छ ।

The post अनेरास्ववियुले त्रिवि आंगिक कलेजमा बुझायो बिज्ञप्ती appeared first on Himshikhar Dainik.

जुलाईमा भएको विवादास्पद राष्ट्रपति निर्वाचनबाट निर्वाचित निकोलस मादुरो विजयको घोषणालाई चुनौती दिने गोन्जालेज आफ्नी श्रीमतीसँग स्पेनको राजधानी मड्रिडस्थित टोरेजोन डे अर्डोज सैन्य बेसमा अवतरण गर्नुभएको अन्तर्राष्ट्रिय सञ्चारमाध्यमले जनाएका छन् ।

स्पेन पुगेलगत्तै उहाँले जारी गरेको अडियो सन्देशमा ज्यान मार्ने धम्कीका कारण काराकसबाट स्पेन पुगेको स्पष्ट पार्नुभएको छ। उहाँले आफ्ना समर्थक र स्पेनी सरकारलाई धन्यवाद समेत दिनुभएको छ ।

स्पेनी प्रधानमन्त्री पेड्रो सान्चेजले उहाँको आगमनको स्वागत गर्दै स्पेनले ‘प्रजातन्त्रका नायक’ लाई कहिल्यै नत्याग्ने अभिव्यक्ति दिनुभएको बीबीसीले जनाएको छ ।

युरोपेली संघ-ईयूका उप-राष्ट्रपति जोसेफ बोरेलले लोकतन्त्रमा कुनै पनि राजनीतिक व्यक्ति अन्य देशमा शरण लिनु नपर्ने भन्दै भेनेजुएलाको लोकतन्त्रका लागि निकै दुखद दिन भएको प्रतिक्रिया दिनुभएको छ ।

राष्ट्रपति निर्वाचनपछि मदुरोको जितलाई अस्वीकार गरेको कारण मदुरो सरकारले गोन्जालेजविरुद्ध आरोप लगाएर पक्राउ पुर्जी जारी गरेको थियो । त्यसयता गोन्जालेज काराकासस्थित स्पेनी दूतावासमा बस्नुभएको थियो भने स्पेनी सरकारलाई त्यहीबाट राजनीतिक शरण दिन आग्रह गर्नुभएको थियो ।उहाँको आग्रहलाई स्पेनी सरकारले स्वीकार गरेपछि उहाँ हिजो स्पेनका लागि प्रस्थान गर्नुभएको थियो ।

निर्वाचनमा मदुरोले आफू जितेको घोषणा गरेपनि विपक्षी दल र पश्चिमा राष्ट्रहरुले उक्त चुनाव निष्पक्ष नभएको भन्दै मदुरोलाई राष्ट्रपतिको मान्यता दिन अस्वीकार गरेको छ ।

The post भेनेजुएलाको प्रजातन्त्रको पुनरागमनका लडाइँ जारी छ : गोन्जालेज appeared first on Himshikhar Dainik.

The post नेपाल पर्यटन बोर्डको सीईओ नियुक्त appeared first on Himshikhar Dainik.

आक्रमणबाट ना ६ ख ९४०६ नम्बरको ट्याङ्कर चालक डडेल्धुराको गन्यापधुरा गाउँपालिका १ का २४ वर्षीय हरेन्द्र देउवा र सहचालक कैलालीको गोदावरी नगरपालिका–४ बस्ने २२ वर्षीय अनिल देउवा घाइते भएका छन् । उनीहरुको माया मेट्रो अस्पतालमा उपचार भइरहेको छ ।

गएराति ११ः२० बजेको समयमा धनगढी उपमहानगरपालिका–२ रोडहाउस क्याफे नजिक ट्याङ्कर पार्किङ स्थलमा से ६ प ९३९७ नम्बरको बुलेट मोटरसाइकल र अल्फाबेट नखुलेको ३०३० नम्बरको मोटरसाइकलमा आएका व्यक्तिहरुले चक्कु प्रहार गरेका थिए ।

आक्रमणपछि मोटरसाइकलमा आएकाहरु भागेको र उनीहरुको खोजी भइरहेको प्रहरीले जनाएको छ । तर सोही घटनामा संलग्न अन्य दुई जनालाई भने प्रहरीले नियन्त्रणमा लिएको छ ।

जिल्ला प्रहरी कार्यालय कैलालीका प्रमुख एसपी पदमबहादुर विष्टका अनुसार ट्याङ्कर पार्किङको विषयमा दुई पक्षबीच विवाद हुँदा आक्रमण र तोडफोड भएको हो । ‘दुई जनालाई राति नियन्त्रणमा लिएका छौं । आज सोधपुछ गर्छौं अनि घटनाको कारण डिटेलमा खुल्ला,’ एसपी विष्टले भने ।

आक्रमणकारीले पार्किङ गरी राखिएका चारवटा ट्याङ्करहरुमा पनि तोडफोड गरेका छन् । ना ८ ख १४२५, ना ४ ख ३९२०, ना ४ ख २९६५ र ना ६ ख ९४०६ नं.को ट्याङ्करहरुको अगाडिको सिसामा क्षति पुगेको छ ।

The post धनगढीमा धारिलो हतियार प्रहार : ट्याङ्करका चालक र सहचालक घाइते appeared first on Himshikhar Dainik.