पारा ओलम्पिकमा पलेशा गोवर्धनले नेपाललाई खुसी दिनु भयो। नेपाललाई पहिलो पटक ओलम्पिक पदक दिलाउने पलेशालाई हार्दिक बधाई !

सरकारले उहाँलाई दिन लागेको रु ६५ लाख पुरस्कारमा लाग्ने कर छुट गरिने छ।

The post पलेशालाई नगद सहित सम्मान गरिने appeared first on Himshikhar Dainik.

‘यो पार्टी ढल होइन । व्यक्ति विशेषका कमी कजोरीहरू हुन सक्छन्, कि त राजनीति गरौं कि त इन्जोय । राजनीति र इन्जोय दुवै गर्न पाइँदैन ।’ ओलीले पार्टी नीतिगतरूपमा प्रष्ट रहेको पनि दाबी गरेका छन् । उनले एमाले जग र जरा भएको पार्टी भएको बताए । परिवर्तन सम्भव छ भन्ने कुरालाई आधार बनाएर अघि बढेको धारणा राखेको प्रचार विभाग प्रमुख राजेन्द्र गौतमले जानकारी दिए ।

ओलीले पार्टीले स्वतन्त्रतापूर्वक निर्णायक शक्ति बनाउन पहल गर्ने बताएका छन् । त्यस्तै, तत्काल कुनै पनि पार्टीसँग वामपन्थी एकता नहुने ओलीले स्पष्ट पारेका छन् । ओलीको भनाइ उद्धृत गर्दै गौतमले भने, ‘वामपन्थीका नाममा अहिले कुनैपनि एकता हुने सम्भावना छैन ।’ वस्तुगत मूल्यांकनका आधारमा विभिन्न कार्यहरु अगाडि बढ्दै जाने निर्णय भएको गौतमले बताए । त्यस्तै, बैठकले विभिन्न १५ वटा समसामयिक प्रस्तावहरु पारित भएको उनले बताए । जसमा शान्ति प्रक्रियालगायतका विषयमा रहेको उनले बताए ।

The post राजनीति गर्नुस कि त मोजमसती ,एउटा रोजौं : ओलीको कडा निर्देशन appeared first on Himshikhar Dainik.

आर्थिक वर्ष २०८१/८२ को पहिलो सिजनका लागि १२ वटा नाउर र ८ वटा झारलको शिकार गर्न टेण्डर खुलाइएको विभागले जनाएको छ । विभागका व्यवस्थापन अधिकृत पेम्बा शेर्पाका अनुसार टेण्डरको म्याद १५ दिनको हुन्छ र सबै प्रक्रिया पूरा गरिसकेपछि असोजदेखि शिकार सुरु हुन्छ ।

‘शिकारको लागि प्रक्रिया सुरु भयो,’ व्यवस्थापन अधिकृत शेर्पाले भने, ‘सबै प्रक्रिया पूरा गर्न २५ दिन जति लाग्छ । त्यसपछि हामीले निश्चित ब्लक भित्र शिकार खेल्न पाउने अवधि तोकिदिन्छौं ।’

सबैभन्दा बढी रकम कबोल गरेको आधारमा शिकार गराउने संघसंस्था छनोट गरिन्छ । टेण्डर हात पारेको संघसंस्थाले शिकारमा सोख भएका विदेशी पर्यटकलाई शिकार खेल्न ढोरपाटन लैजान्छ । हालसम्म शिकार खेल्नेहरु विदेशी पर्यटकहरु मात्र रहेको विभागका व्यवस्थापन शाखा प्रमुख शेर्पा बताउँछन् ।

ढोरपाटन क्षेत्रमा हरेक वर्ष पहिलो सिजन (असोज-मंसिर) र दोस्रो सिजन (फागुन-वैशाख)मा शिकार हुँदै आएको छ ।

विदेशी शिकारीसहितको समूहले शिकार खेल्न कम्तिमा १५ दिन जङ्गलमा बिताउँछन् । तोकिएको अवधिभित्र शिकार खेल्न नसके शिकारी खाली हात फर्कनुपर्ने नियम छ ।

साहसिक यात्रा र रोमाञ्चक शिकार अनुभवका लागि ढोरपाटन विदेशीहरुका लागि आकर्षक गन्तव्य बनेको छ । नाउर, झारलको मूल्य, ब्लक रिजर्भ, अनुमतिपत्र, बन्दोबस्तीका सामग्री तयार गर्दा एउटा शिकारीले करिब २० लाख रुपैयाँसम्म खर्च गर्ने गरेका आरक्षका कर्मचारीहरु बताउँछन् ।

ढोरपाटन शिकार आरक्ष २०४४ सालमा स्थापना भएको थियो । यो आरक्ष पूर्वी रुकुम, बागलुङ र म्याग्दी जिल्लामा फैलिएको छ ।

मुख्य कार्यालय भने बागलुङको ढोरपाटनमा पर्छ । आरक्षको सुरक्षाका लागि २०७३ सालदेखि नेपाली सेनाको गुल्मसमेत राखिएको छ ।

The post नाउर र झारल शिकार गर्न टेन्डर आह्वान appeared first on Himshikhar Dainik.

अधिवक्ता ज्ञान बस्नेत र श्यामकृष्ण मास्केले बेपत्ता पारिएका व्यक्तिको छानबिन, सत्य निरुपण तथा मेलमिलाप आयोग ऐन पीडकमैत्री भएको भन्दै मंगलबार सर्वोच्च अदालतमा रिट दायर गरेका हुन् ।

संक्रमणकालीन न्यायसम्बन्धी ऐन ३० साउनमा प्रतिनिधिसभाले, ६ भदौमा राष्ट्रियसभाले पारित गरेको थियो भने १३ भदौमा राष्ट्रपति रामचन्द्र पौडेलले प्रमाणीकरण गरेका थिए । उक्त ऐनमा मानब अधिकारको उलंघनलाई ‘गम्भीर र सामान्य’ भनेर परिभाषित गरिएको र यसले पीडक उन्मुक्तिको बाटो खुलेको रिट निवेदकको जिकिर छ ।

‘मानव अधिकारको गम्भीर उलंघनहरु हत्या, हिंसा, शरीर  बन्धक अङ्गभङ्ग आगजनी, गैरकानुनी हत्या र यातना जस्ता अपराधहरु जसलाई जेनेभा कानुनले मानवताविरुद्धको अपराध तथा युद्ध अपराध मानेको छ, त्यसलाई समेत मानब अधिकारको ‘सामान्य उलंघन’ मा राखेर पीडकहरुलाई उन्मुक्ती दिने बाटो खोलिएको छ’, रिट निवेदकले भनेका छन् ।

त्यस्तै सशस्त्र ब्यक्तिले सशस्त्र ब्यक्तिविरुद्ध गरेको बलात्कार, यातना, नियन्त्रणमा लिई गरिएको हत्या, आत्मसमर्पणपछि गरिएको हत्या र यातनाबारेमा ऐन मौन रहेको पनि रिटमा उल्लेख छ ।

बालसेनाको प्रयोगलाई ऐनले अपराध नमानेको, गम्भीर अपराधमा समेत ७५ प्रतिशत सजाय छुटको व्यवस्था गरेकोमा पनि रिट निवेदकले प्रश्न उठाएका छन् ।

‘यो विधेयक पीडक उन्मुख छ, पीडकहरुलाई उन्मुक्ति दिने डिजाइन गरेर आएको छ । संक्रमणकालीन न्याय ठट्टको बिषय हुन सक्दैन’, रिट निवेदकले भनेका छन् ।

यो रिट सर्वोच्च अदालतको संवैधानिक इजलासमा दर्ता भएको छ र यसको पेशी २६ भदौमा तोकिएको छ ।

The post टीआरसी विधेयक पीडकमैत्री भएको भन्दै सर्वोच्चमा रिट दर्ता appeared first on Himshikhar Dainik.

केन्द्रीय कार्यालय च्यासलमा मंगलबार सुरु भएको पोलिटब्यूरो बैठक उद्घाटन गर्दै प्रधानमन्त्री ओलीले प्रचण्डको भूमिका सही नभएको टिप्पणी गरेका हुन् । ‘सत्ताबाट हटेपछि प्रचण्डको काम असन्तुष्ट मान्छे उचाल्ने, परिस्थित भड्काउने देखिएको छ’, ओलीको भनाइ उधृत गर्दै एक पोलिट्ब्यूरो सदस्यले भने ।

ओलीले ११ भदौमा प्रतिनिधिसभा बैठकमा प्रचण्डले गरेको सम्बोधन अराजकता निम्त्याउने खालको रहेको बताए । ‘जसरी बंगलादेश र श्रीलंकाको उदाहरण दिएर सदनमा बोलेको सुनियो, त्यो एउटा जिम्मेवार नेताले बोल्ने भाषा थिएन’, प्रधानमन्त्री ओलीको भनाइ थियो ।

प्रचण्डको सदनको सम्बोधनलाई प्रधानमन्त्री ओलीले टुँडिखेलमा भएको प्रदर्शनसँग पनि जोडे । १२ भदौमा प्रधानमन्त्री ओली र कांग्रेस सभापति शेरबहादुर देउवा उपस्थित गौरा पर्वको अवसरमा आयोजित कार्यक्रममा नाराबाजी भएको थियो । ‘प्रचण्ड पनि सार्वजनिक कार्यक्रममा हिँडिरहेकै छन्, तर त्यहाँ शेरबहादुरजी र म गएको कार्यक्रममा त्यस्तो’, ओलीले प्रचण्डप्रति आशंका गरेका थिए ।

तर सामाजिक अराजकता निम्त्याएर भाँडभैलो गराउने प्रचण्डको चाहना पूरा नहुने ओलीले बताएको अर्का पोलिटब्यूरो सदस्यले बताए ।

‘सरकारमा भइञ्जेल आफै उपद्रो गर्ने, अनि अहिले बाहिर निस्केपछि असन्तुष्टहरु उचाल्ने र ओराल्ने काम भइरहेको छ’, ओलीले भनेका थिए ।

प्रचण्डको भूमिका र प्रयासबारे सचेत भएर अगाडि बढ्नुपर्ने प्रधानमन्त्री ओलीले बताएका थिए । विशेषगरी आफू नेतृत्वको सरकारमा कुनै समस्या नआउने विश्वास नेताहरुलाई दिएका थिए ।

‘म निर्धारित समयभित्रै सरकारको नेतृत्व छोड्छु, त्यसपछि शेरबहादुर देउवा प्रधानमन्त्री भएर चुनावमा जान्छौं’, प्रधानमन्त्री ओलीले भनेका छन् । देउवा नेतृत्वको सरकारले गर्ने ०८४ सालको चुनावमा एकल प्रतिस्पर्धा हुने पनि ओलीले बताए ।

एकल प्रतिस्पर्धाको बातावरण मंसिरमा हुने स्थानीय तहको उपचुनावबाट बनाउने पनि उनले बताए ।

The post प्रचण्ड परिस्थिति भाँड्ने खेलमा छन : प्रधानमन्त्री appeared first on Himshikhar Dainik.

यसको महानगरपालिका वडा-२३ का वडाध्यक्ष मचाराजा महर्जनले विरोध गरे। त्यसपछि महानगरपालिका अर्थात् बालेन शाहले २३ वडामा कम योजना पारेकाे भन्दै गुनासाे पाेखे। त्यसपछि विभिन्न गुनासो पोख्ने क्रममा ‘गोदी मिडिया’ शब्द प्रयोग गरे।

उनले भने,‘मैले विभिन्न योजना माग गरेको थिए,मेयरसापको महत्वपूर्ण इन्ट्रेष्टको विषय भनेको सम्पदा संरक्षण,सुधार गर्ने भन्ने एउटा धेरै नारा सुनियो,हाम्रो मेयरसापको मुखबाट भन्दा पनि विभिन्न गोदी मिडियाबाट,इन्डियामा चलेको  मिडिया के-के भन्छन् त,त्यस्तै मिडियाले धेरै प्रचार गर्थ्याे तर मलाई दु:ख लाग्यो,यो बजेट हेर्दा,बसन्तपुरको एउटा भवन २०७२ सालमा पूर्ण क्षति भएर भवन भत्काउनुपर्ने अवस्था थियो,त्यो भवन भत्काउन स्कुल भत्काउनुपर्ने हुँदा स्कुल खाली गरायौ,तर बजेट/योजना प्रस्ताव गरे पनि माग सुनुवाइ भएन,बजेटमा समेटिएन।’ 

उनले सबै बोलिसकेपछि प्रमुख बालेनले यस विषयमा के भन्न खाेजिएकाे भन्दै उनलाई थप प्रष्ट पार्नू भने। त्यसपछि उनीहरुबिच सवालजवाफ सुरु भयो। 

बालेनले भने, ‘तपाईँले गोदी मिडिया भन्नुभयो,यो भनेको इन्डियामा चाही मोदीले चलाएको मिडिया भन्ने बुझिन्छ,तपाईँंले गोदी मिडिया भनेर मैले चलाएको मिडिया भन्न खोज्नु भएको हो ?।’

त्यसपछि मचाराजाले भने,‘होइन,मैले देखेका सुनेका कुरा मात्रै।’

त्यसपछि बालेनले फेरी सोधे,‘मैले मिडिया चलाएर बसेको छु?(आक्रोशित हुँदै)।’ 

मचाराजाले भने,‘मैले तपाईँलाई भनेको छैन।’

त्यसपछि बालेनले भने, ‘स्पष्ट हुनुहुन्छ नी, मैले मिडिया चलाउँदिन भनेर।’ 

मचाराजाले भने ‘तपाईँले चलाएको भनेर मैले भनेकै छैन,अरु बुझ्न आवश्यक छैन,नेपाल र भारत दाजुभाइ जस्तो भएकोले जे सुनेका छौँ,त्यही देखेको।’ 

त्यसपछि भने बालेनले भने,‘ठिक छ,अरु कुरा केही छ?।’

महर्जन नेकपा एमालेबाट निर्वाचित जनप्रतिनिधि हुन्।

The post काठमाडौं २३ का ‍‍‍‍‍मचाराजाले गोदी मिडिया’ शब्द बोलेपछि । appeared first on Himshikhar Dainik.

गत बिहीबारको मन्त्रिपरिषद् बैठकले उनलाई बोर्ड अध्यक्षमा नियुक्त गर्ने निर्णय गरेको थियो । अध्यक्ष डिसी टेलिभिजन तथा रेडियो कार्यक्रमका निर्माताका रुपमा पनि चिनिन्छन् । निवर्तमान अध्यक्ष भुवन केसीको कार्यकाल सकिएपछि बोर्डको अध्यक्ष पद रिक्त रहेको थियो ।

The post चलचित्र विकास बोर्ड अध्यक्ष दिनेश डि.सी.द्वारा पदभार ग्रहण appeared first on Himshikhar Dainik.

प्रधानमन्त्री निवास, बालुवाटारमा भएको भेटमा प्रधानमन्त्री ओलीले उक्त कलेजले रक्षा मामिलामा गर्दै आएको प्राज्ञिक योगदानको प्रशंसा गर्दै दक्षिण एसियाली राष्ट्रहरूको शान्ति र समृद्धिका लागि साझा प्रयास हुनुपर्नेमा जोड दिए।

उनले गौतम बुद्ध, महात्मा गान्धीजस्ता व्यक्तित्वको जन्म भएको यस क्षेत्रमा हिंसा र विवाद उत्पन्न हुनु यहाँको संस्कृति र सभ्यता विपरीतका विषय हुने बताए।

प्रधानमन्त्री ओलीले नेपाल र भारतबीचको समान संस्कृति, रहनसहन र सभ्यताको चर्चा गर्दै दुई देशबीचको मित्रता अभिवृद्धि हुँदै गएको उल्लेख गरे। भेटका अवसरमा नेपालका लागि भारतीय राजदूत नवीन श्रीवास्तब, कलेजका प्रतिनिधि सन्दिप एस सन्दुलगायत सहभागी थिए।

The post भारतिय रक्षा महाबिधालयका विद्यार्थी र नेपालका प्रधानमन्त्री बिच भेट । appeared first on Himshikhar Dainik.

सुनुवाइ समितिको आइतबारको बैठकमा सुनुवाइका क्रममा भारतका लागि प्रस्तावित राजदूतलाई सांसदहरूले सोही देशमा काम गरेर फर्किएपछि फेरि जान मिल्छ ? भनेर प्रश्न गरेका थिए । जवाफमा शर्माले भने, ‘कानुन, संविधानमा मैले लेखेको पनि देखेको छैन । एउटा निर्देशिका देखेको हो । यसको जवाफ नेपाल सरकारले दिनुपर्ने हो ।’

आफूलाई नेपाल सरकारले भारतका लागि राजदूतमा प्रस्तावित गरेकाले किन गरेको हो भन्ने जवाफ उसैले दिनुपर्ने बताए । राजदूत नियुक्ति निर्देशिका, २०७५ को बुँदा नम्बर ८ मा राजदूतको पद ४ वर्षको हुने लेखिएको र २१ नम्बर बुँदामा जुन देशमा कार्यरत हो सोही देशमा निरन्तरता हुने गरी प्रस्ताव गर्न नमिल्ने उल्लेख रहेको शर्माको भनाइ थियो । आफूले भारतमा २ वर्ष ४ महिना काम गरेको र त्यो कार्यकाल पूरा नभएको शर्माले बताए । त्यस्तै, आफ्नो कार्यकाल २०८१ जेठ २४ मा सरकारले फिर्ता बोलाएसँगै सकिएकाले निरन्तरता पनि नरहेको उनको प्रष्टोक्ति थियो । राजदूत सिफारिस गर्दा आफू पदमा कार्यरत नरहेको उनको भनाइ थियो ।

आफ्नो हकमा पदावधिको निरन्तरता नरहेको र बहाल पदको निरन्तरता पनि नरहेकाले निर्देशिकाका व्यवस्था असान्दर्भिक रहेको शर्माले बताए ।

The post जवाफ सरकारले दिनुपर्ने हो : डा. शर्मा  appeared first on Himshikhar Dainik.

आइतबार पार्टीको केन्द्रीय समितिको बैठकमा बोल्दै उनले सभापति देउवालाई प्रधानमन्त्री नबन्न र त्याग गर्न आग्रह गरेका हुन् । कांग्रेस र एमालेबीच एमाले अध्यक्ष केपी शर्मा ओलीपछि देउवा प्रधानमन्त्री बन्ने समझदारी भइसकेको छ ।

प्रतिनिधिसभामा कांग्रेसबाटै एक से एक अग्रज नेता रहेको भन्दै उनीहरुमध्ये कसैलाई प्रधानमन्त्री बनाउनुपर्ने शर्माले बताए ।

‘उहाँहरु मध्ये कसैलाई पनि हामीले प्रधानमन्त्री बनायौं भने – एक, सभापतिको त्याग देखिन्छ । दुई, उहाँको समकालीन कोही नेतालाई न्याय र कदर हुन्छ । तीन, तब ०८४ पछि हामी नयाँ अनुहारमा पुग्नेछौं’, शर्माले भने ।

शर्माले डा.शेखर कोइराला, विमलेन्द्र निधि, प्रकाशमान सिंह, पूर्णबहादुर खड्का, डा शशांक कोइराला र अर्जुननरसिंह केसीमध्ये एकलाई प्रधानमन्त्री बनाउन देउवालाई सुझाव दिए ।

देउवासँग आग्रह गर्दै भने, ‘एमाले अध्यक्ष केपी ओलीको नेतृत्वको सरकारलाई र उहाँको नेतृत्वलाई सफल बनाउन कांग्रेसले सम्पूर्ण ध्यान लगाउनुपर्छ र एकताबद्ध रुपले साथ दिनुपर्छ । तर त्यसपछि सभापति देउवा प्रधानमन्त्री बन्नुहुन्न ।’

The post अब प्रधानमन्त्री नबन्नुस : विश्वप्रकाश appeared first on Himshikhar Dainik.